Kaspersky Security Center Web Console бағдарламасына кіру және одан шығу

Kaspersky Security Center Web Console веб-консоліне Басқару серверін және Kaspersky Security Center Web Console веб-консолін орнатқаннан кейін кіре аласыз. Сіз орнату барысында көрсетілген Басқару серверінің веб-мекенжайын білуіңіз керек (әдепкі бойынша 8080-порт қолданылады). Сіздің браузеріңізде JavaScript қосулы болуы тиіс.

Kaspersky Security Center Web Console веб-консоліне кіру үшін:

1. Браузерде <Басқару серверінің веб-мекенжайын>:<порт нөмірін> көрсетіңіз.

   Бағдарламаға кіру беті көрсетіледі.

2. Бірнеше сенімді Басқару серверін қосқан болсаңыз, тізімнен қосылғыңыз келетін Басқару серверін таңдаңыз.

   Бір ғана Басқару серверін қосқан болсаңыз, тек Пайдаланушы аты мен Құпиясөз өрістері көрсетіледі.

3. Келесі әрекеттердің бірін орындаңыз:
   • Физикалық Басқару серверіне кіру үшін жергілікті әкімшінің пайдаланушы аты мен құпиясөзін енгізіңіз.
   • Егер Серверде бір немесе бірнеше виртуалды Басқару сервері жасалған болса және сіз виртуалды Серверге кіргіңіз келсе:
     1. Қосымша параметрлер түймесін басыңыз.
     2. Виртуалды Серверді жасау кезінде көрсетілген виртуалды Басқару сервері атауын енгізіңіз.
     3. Виртуалды Басқару серверінде құқықтары бар әкімшінің пайдаланушы аты мен құпиясөзін енгізіңіз.

Жүйеге кіргеннен кейін, ақпараттық тақта сіз соңғы рет қолданған тіл және тақырыппен көрсетіледі. Сіз Kaspersky Security Center Web Console шарлай аласыз және оны Kaspersky Security Center Linux бағдарламасымен жұмыс істеу үшін қолдана аласыз.

Kaspersky Security Center Web Console веб-консолінен шығу үшін,

Бас мәзірде өз есептік жазбаңыздың параметрлеріне өтіп, Шығу тармағын таңдаңыз.

Kaspersky Security Center Web Console бағдарламасы жабық, бағдарламаға кіру беті көрсетіледі.

Басына оралу